Ekki almenningur !

Báðar þjóðirnar íslendingar og norðmenn fjárfesta mikið erlendis í fyrirtækjum og hafa gert það vel og eiga eftir að þéna vel á þeim velreknu fyrirtækjum í framtíðinni og hafa reyndar þegar gert.

Munurinn er hins vegar sá að norðmenn fjárfesta fyrir fé úr olíusjóðnum sem sé með eigið fé en íslendingar hafa fjárfest eingöngu fyrir lánsfé.

Eins og ég hef þegar tekið fram er líklegt að flest allar  fjárfestingar íslendinga muni plumma sig ágætlega ,skila hagnaði og aukast að verðmæti. Málið er að  umfangið er orðið svo mikið að  þegar horft er á heildar skuldir banka og annara fyrirtækja er þjóðin svo fáranlega smá sem stendur á bak við þær. Okkar pínulitli seðlabanki er að reyna að sýnast kokhraustur með síðustu aðgerðum.

 Það er auðvitað ógæfulegt þegar byggðar eru þúsundir íbúða umfram þörf en það skrifast ekki á almenning í þessu landi.

Margir hafa komið sér þaki yfir höfuðið eins og vera ber og keypt sér bil og lang flestir standa vel undir því.  Aðrir hafa byggt of stórt og fjárfest langt um efni fram og þeir eru að eða koma til með að tapa öllu sínu. En svona hefur það alltaf verið . Þegar niðursveiflurnar koma og þær koma þá kemur sannleikurinn alltaf í ljós.

 Það er aftur á móti ekki  almenningur sem hefur komið íslandi í heimsfréttirnar síðustu mánuði. Þeirra eiðsla eru hreinir smámunir miðað við heildar dæmið og munið að ríkissjóður er skuldlaus og safnar fé  sem dekkar ágætlega allar skuldir hins almenna borgara.   

„Lengt í hengingaról Íslendinga"